- წალენჯიხის მაცხოვრის ფერისცვალების ტაძარს 2 ივლისს მეხმა, რომელსაც თან ძლიერი ქარიშხალი ერთვოდა გუმბათის ყელი დაუზიანა. დაზიანდა შიდა სივრცე, ფრესკის ნაწილი.
წალენჯიხის მუნიციპალიტეტის მერიის ინფორმაციით, მერის მოადგილე თამარ ბელქანია შემთხვევის ადგილზე იმყოფებოდა.
“მერის მოადგილისა და საპატრიაქოს წარმომადგენლობის დროული რეაგირებით, ტაძრის მდგომარეობის შესასწავლად ხუროთმოძღვრების, ხელოვნებისა და რესტავრაციის ცენტრის წარმომადგენელი, კედლის მხატვარ-რესტავრატორი მერაბ ბუჩუკური და დეკანოზი ილია სარია ტაძარში იმყოფებიან, რათა პირველადი მონაცემებით
ოფიციალურად ფიქსირებულიქნას ტაძრის გუმბათის ყელზე არსებული დაზიანება, რათა დროულად მოხდეს სარეაბილიტაციო სამუშაოების დაწყება.”-აღნიშნულია ინფორმაციაში.